תהילים פרק קלד
{א} שִׁיר הַמַּעֲלוֹת הִנֵּה בָּרְכוּ אֶת יְהוָה כָּל עַבְדֵי יְהוָה הָעֹמְדִים בְּבֵית יְהוָה בַּלֵּילוֹת: {ב} שְׂאוּ יְדֵכֶם קֹדֶשׁ וּבָרְכוּ אֶת יְהוָה: {ג} יְבָרֶכְךָ יְהוָה מִצִּיּוֹן עֹשֵׂה שָׁמַיִם וָאָרֶץ:
{א} שִׁ֗יר הַֽמַּ֫עֲל֥וֹת הִנֵּ֤ה | בָּרְכ֣וּ אֶת-יְ֭הוָה כָּל-עַבְדֵ֣י יְהוָ֑ה הָעֹמְדִ֥ים בְּבֵית-יְ֝הוָ֗ה בַּלֵּילֽוֹת: {ב} שְׂאֽוּ-יְדֵכֶ֥ם קֹ֑דֶשׁ וּ֝בָרֲכוּ אֶת-יְהוָֽה: {ג} יְבָרֶכְךָ֣ יְ֭הוָה מִצִּיּ֑וֹן עֹ֝שֵׂ֗ה שָׁמַ֥יִם וָאָֽרֶץ:
טקסט ספר התהילים המוקלד באדיבות J. Alan Groves Center בכפוף לרישיון CC-2.5